Somos un equipo apaixonado polo pastoreo, a produción ecolóxica e rexenerativa.
Levamos máis de 30 anos desenvolvendo ferramentas e metodoloxías que optimizan o pastoreo, melloran a xestión económica e reducen o impacto ambiental.
Transformación sostible da gandería: eficiencia, rendibilidade e adaptación ao contexto
Colaborar contigo na evolución da túa gandería para optimizar a rendibilidade, a xestión do traballo e o impacto ambiental, sempre tendo en conta as túas circunstancias e metas.
+30
anos colaborando con gandeiros e gandeiras
50
granxas en seguimento
+5000
persoas formadas
Traballamos no teu terreo
1. Persoal
Traballamos man a man con gandeiros e gandeiras
2. Directo
Visitamos a túa granxa para entender o teu contexto e as túas necesidades.
3. Networking
Ofrecémoste acompañarnos no noso proxecto colectivo de aprendizaxe e transformación
Compromiso coa comunidade: a nosa ética
Acreditamos na importancia de estar vinculados á comunidade na que nos desenvolvemos.
Pretendemos contribuír ao desenvolvemento do entorno, o medio e a xente, fortalecendo lazos e construíndo un futuro máis responsable e próspero para todas as persoas:
- Ofrecemos prezos e condicións preferentes a entidades sen ánimo de lucro que compartan obxectivos semellantes aos nosos.
- Contamos con tarifas adaptadas a ganderías en situación de dificultade
- A nosa enerxía eléctrica é 100% renovábel, distribuída a través dunha estrutura cooperativa galega.
- Somos socios da única cooperativa financeira galega: Caixa Rural Galega Soc. Coop.
Os nosos valores
Temos a visión de ser líderes en asesoramento e formación de alta calidade para impulsar ganderías ecolóxicas rendibles, sostibles e respectuosas co medio ambiente.
Agroecoloxía
A agroecoloxía latinoamericana é a nosa fonte de inspiración fundamental, onde priman o enfoque holístico e a análise sistémica. Integramos as dimensións sociais, ecolóxicas e económicas en todo o noso labor. Damoslle valor ao coñecemento científico e tamén ao saber tradicional.
Empatía
Colaboramos xuntos contigo en igualdade para desenvolver solucións personalizadas axeitadas á túa situación.
Pragmatismo
Orientamos o noso traballo cara a conseguir resultados: queremos transmitirche coñecementos e técnicas para que os adquiras, os avalíes, os adaptes a tí e ao teu contexto, e que os desenvolvas para conseguir os teus obxectivos.
Independencia
O único produto que vendemos é o noso coñecemento. Iso garante que o asesoramento que ofrecemos está totalmente enfocado en ti, sen obxectivos ocultos.
Ecofeminismo
Fomentamos a igualdade como un principio transversal clave: non se pode avanzar na sustentabilidade sen promover a equidade entre todas as persoas.
Activismo Social
Promovemos un modelo de alimentación global que sexa ecolóxico, sustentábel, san e accesible para todas as persoas no planeta.
