O Noso Impacto

Temos a certificación de Sustentabilidade social empresarial da Xunta de Galicia

O noso código ético medioambiental

A redución do uso de insumos e de combustibles fósiles reduce a pegada de carbono.
A diminución das labranzas, o bo uso dos pastos e a rexeneración dos solos, tamén rebaixa o efecto invernadoiro.
As pradeiras de longa duración, xestionadas correctamente, son sumidoiros netos de carbono.
Un pastoreo axeitado permite ao solo mitigar os riscos climáticos e desastres naturais.
A redución de produtos químicos minimiza a contaminación do solo, auga e aire.
As pradeiras ben xestionadas favorecen a biodiversidade.

O noso código ético social

Reducir o uso de antibióticos axuda a combater a súa preocupante resistencia en medicina humana.
A carne e o leite derivados de pastoreo presentan perfís de ácidos graxos máis saudables.
A igualdade de oportunidades entre xéneros asegura máis equidade.
Mellores rendibilidades e condicións laborais poden atraer máis xente moza ao sector agrario.
A comunicación entre o medio rural e o medio urbano xera beneficios mutuos.
Garantimos os dereitos laborais do noso equipo (protocolos anti-acoso, de teletraballo e desconexión dixital)

A nosa responsabilidade cos obxectivos de desenvolvemento sustentábel

ODS 2:

“Asegurar a sustentabilidade dos sistemas de produción de alimentos e aplicar prácticas agrícolas resilientes… que fortalezcan a capacidade de adaptación ao cambio climático… e melloren progresivamente a calidade do solo e da terra.”

ODS 3:

“Reducir sustancialmente o número de mortes e enfermidades producidas por produtos químicos perigosos e a contaminación do aire, auga e solo.”

ODS 5:

“Emprender reformas que outorguen ás mulleres igualdade de dereitos aos recursos económicos, así como acceso á propiedade e ao control da terra.”

ODS 6:

“Mellorar a calidade da auga reducindo a contaminación.”; ”Aumentar considerablemente o uso eficiente dos recursos hídricos”.

ODS 8:

“Lograr niveis máis elevados de produtividade económica mediante a diversificación, a modernización tecnolóxica e a innovación.”; “Procurar desvincular o crecemento económico da degradación do medio ambiente.”; “Protexer os dereitos laborais e promover un entorno de traballo seguro.”

ODS 11:

“Protexer e salvagardar o patrimonio cultural e natural do mundo.”; “Apoiar os vínculos económicos, sociais e ambientais positivos entre as zonas urbanas, periurbanas e rurais.”

ODS 12:

“Lograr a xestión sostible e o uso eficiente dos recursos naturais.”; “Reducir as perdas de alimentos nas cadeas de produción e subministración.”; “Lograr a xestión ecoloxicamente racional dos produtos químicos… reducir significativamente a súa liberación á atmósfera, auga e solo.”

ODS 13:

“Fortalecer a resiliencia e a capacidade de adaptación aos riscos relacionados co clima e os desastres naturais.”

ODS 15:

“Velar pola conservación, o restablecemento e o uso sostible dos ecosistemas terrestres.”; “Loitar contra a desertificación, rehabilitar as terras e os solos degradados.”: “Deter a perda da diversidade biolóxica.”

Algúns dos nosos logros:

2014

Publicamos o libro“Producir leche de vaca ecológica. Manual de iniciación”

2015

Elaboración da “Guía para a Produción Ecolóxica”, para o territorio transfronteirizo Galicia – Norte de Portugal, con 8 fichas técnicas por orientación produtivas

2016

Iniciamos a nosa colaboración docente co Master Oficial en Agricultura y Ganadería Ecológicas de la Universidad Internacional de Andalucía

2017

Obtivemos a acreditación Obsalim (r). Somos o único centro formador autorizado para toda a península ibérica.

2018

Iniciamos a nosa colaboración na rede RENGRATI do Ministerio de Agricultura, Pesca e Alimentación, que ofrece datos técnico-económicos de granxas típicas de vacún de leite.

2019

Deseñamos as 3 hortas urbanas municipais do Concello de A Coruña e da horta urbana ecolóxica da Universidade de Coruña.

2020

Elaboramos unha nova ferramenta de análise técnico-económica on-line para granxas de leite. Unha ferramenta particularmente deseñada para a consecución dos nosos 3 obxectivos en sistemas de pastoreo: gañar máis; traballar menos; protexer a natureza.

2021

Elaboramos unha nova ferramenta de análise técnico-económica on-line para granxas de carne en pastoreo.

2022

Elaboramos unha nova metodoloxía e unha ferramenta de análise técnico-económica para actividades agrogandeiras diversificadas (horta, vacún, porcos, ovino, aves, transformación, venda directa…). Damos así apoio a empresas habitualmente totalmente esquecidas nos esquemas convencionais.

2023

Iniciamos a I+D+i en vacún de carne, liderando o Grupo Operativo “CARNE DE VACÚN A PASTO”, con resultados importantes en termos de rendibilidade das granxas de carne e a súa relación coas técnicas de pastoreo

2024

Integramos o Grupo Operativo “GRAZEMASTER – GESTIÓN AVANZADA DEL PASTOREO” para o desenvolvemento de ferramentas prácticas de xestión do pastoreo baseadas no 5G e en Intelixencia Artificial (análise de pasto con teléfono móbil e drons, pastor móbil, xestión da auga…)